← Records

މާލެ – މއ.މާވެޔޮދޮށުގޯތި(މުޅި) – އަމިއްލަ ގޯތި ފަތެއް

Record · http://example.org/archive/record-acc-95bc9f86-r00311

View OAIS mapping → View in graph → Edit →

1346ހ މުހައްރަމް 20(1927މ ޖުލައި 20)ގާ، އައްނައިބު ހުސެއިން ސަލާހުއްދީނުގެ މަޖިލީހަށް އަލްއަމީރު އަލީ ދޮށިމޭނާކިލެގެފާނު އާއި، އަލްއަމީރު އިބްރާހީމް ދޮށިމޭނާކިލެގެފާނުގެ ދަރީންގެ ތެރެއިން މާލޭގާ އޭރު ތިއްބެވި ދަރިން ހާޒިރުވެ، އެބޭފުޅުންގެ ކާބަފާކަލުންކުރެ، ހުސެއިން ދޮށިމޭނާ ކިލެގެފާނު އާއި އެކިލެގެފާނުގެ ދަރި، އަމީރު އަހުމަދު ދޮށިމޭނާކިލެގެފާނު އާއި މީނާގެ ދަރި އަލީ ދޮށިމޭނާކިލެގެފާނު އާއި އަދި މީނާގެ ދަރި އިބްރާހީމް ދޮށިމޭނާކިލެގެފާނުގެ މާލޭގައިވާ ގޯތިތައް ބަށްސަވާދެއްވުމަށް އެދުމުން، އެގޯތިތަކުގެ ފަތްތައް ބެއްލެވިއިރު، 1283ހ(1866މ) ގާ އަލްގާޒީ މުހައްމަދު މުހިއްބުއްދީނު ލިޔެދެއްވާފާވާ ފަތުން، އޭގެތެރިން މއ.މާވެޔޮދޮށުގޯތި، އަލީ ދޮށިމޭނާކިލެގެފާނަށް މިލްކުވެފާވާ ކަމުގާ ސާބިތުވެ، އަދި އެގޯއްޗާއި އިންވެގެން ދެކުނުން އޮތް، ކުރޮޅިކޮށީގޯތިގެ މިކިލެގެފާނަށް ވީ ބައި އެއީ، އޭނާ މާވާގޭ އިބްރާހީމް ކަލޭފާނުގެ ދެބެއިންގެ އަތުން ބައްލަވައިގަނެ މިލްކުވެފާވާ ތަނެއް ކަމުގާ، 1299ހ(1882މ)ގާ، އިސްމާއީލް ބަންޑާރަނައިބު ލިޔެދެއްވިފަތުން، ސާބިތުވެ، އަދި، އެހެން ވާރުތަވެރިންނަށް ވީ ބައިބައި، އިބްރާހީމް ދޮށިމޭނާކިލެގެ ގެދަރި އަބްދުލް މަޖީދު ދީދީއަށް، ބައެއްބޭފުޅުން ވިއްކަވައި، އަނެއްބައިބޭފުޅުން ހިބައިން ދެއްވިކަމުގާ ސާބިތުވުމުން އެމުޅި(ކުރޮޅިކޮށްޓާ އެކު)މާވެޔޮދޮށުގޯތި އަބްދުލް މަޖީދު ދީދީއަށް މިލްކުވެފާވާ ކަމުގާ، އެތާގެ އިމާއި މިން ހިމަނާ، އެމަޖިލީހުން، ލިޔެދެއްވި ފަތުގެ ނަކަލެއް. Real estate document on land ownership: Machchangoalhi Maaveyodhashugoathi (Size: 10" X 7.4") Chief Justices - Al Naaibu Hussain Salahuddin